Байгаль орчин, аялал жуулчлалын яамны 2017 оны 10/5615 тоот мэдэгдлийг хүргүүлж байна. Мөн Тусгай хамгаалалттай газар нутагт үйл ажиллагаа явуулж буй жуулчны баазуудын төв замын дагуух хаяг бүхий самбарыг нэг загварт оруулах зорилгоор 2016 онд шинээр загвар боловсруулан сурталчилж, хуучин самбаруудыг буулгах арга хэмжээ авч хэрэгжүүлсэн. Иймээс уг загварт нийцүүлэн байгалийн үзэмжид нийцсэн, байгалийн материал, өнгө будаг бүхий байршил заасан самбарыг хийх шаардлагатай.

Иймд хамгаалалтын захиргаанаас Тусгай хамгаалалттай газар нутагт үйл ажиллагаа явуулж буй жуулчны баазуудын төв замын дагуух хаяг бүхий самбарыг нэг загварт оруулах талаар 2018 оны 2 дугаар сарын 12-ны өдрийн 33 тоот мэдэгдлийг танайд хүргүүлсэн тул хуучин самбаруудаа буулгах ажлыг 2018 оны 10-р сарын 22-ны өдрийн дотор буулгах шаардлагатай.

Заасан хугацаанд буулгаагүй тохиолдолд Байгаль орчин, аялал жуулчлалын сайдын 2018 оны 02-р сарын 23-ны А/37 тоот тушаалын дагуу албадан буулгах ба буулгахад гарах зардлыг танай компаниас нэхэмжлэх болохыг үүгээр мэдэгдэж байна.