ГОРХИ-ТЭРЭЛЖИЙН БАЙГАЛИЙН ЦОГЦОЛБОР ГАЗАРТ ГАЗАР АШИГЛАХ ЭРХ НЬ ХҮЧИНГҮЙ БОЛСОН ИРГЭН, ХУУЛИЙН ЭТГЭЭДИЙН АНХААРАЛД:

Байгаль орчин, аялал жуулчлалын сайдын 2022 оны 09 дугаар сарын 01-ны өдрийн “Газар ашиглах эрхийг цуцалж, хүчингүй болгох тухай” А/357 болон А/358 дугаар тушаалуудаар нэр бүхий иргэн, хуулийн этгээдийн газар ашиглах эрхийг эрхийг цуцалж, хүчингүй болгосон.

Иймд нэр бүхий 46 иргэн, хуулийн этгээд хуулийн дагуу газар ашиглах гэрчилгээ, гэрээг Горхи-Тэрэлжийн байгалын цогцолбор газрын хамгаалалтын захиргаанд хүлээлгэн өгч, “Тусгай хамгаалалттай газар нутгийн тухай” хуулийн 38 дугаар зүйлийн 4 дэх хэсэгт “Газар ашиглах эрх дуусгавар болоход ашиглаж байсан газраа нөхөн сэргээх, засаж тохижуулан хамгаалалтын захиргаа буюу сум, дүүргийн Засаг даргад хүлээлгэн өгөх” гэсэн заалтыг хэрэгжүүлэхийг мэдэгдэе.